Türk şirkəti insansız silahlı katerini təqdim edib
Türkiyənin “ARES Tərsanəsi” və “Meteksan Savunma” şirkətlərinin birgə hazırladığı insansız katerin təqdimatı keçirilib.
TED.az xəbər verir ki, “Azeri Defence”nin məlumatına görə, “Ulaq” adlanan insansız silahlı katerin (Silahlı İnsansız Deniz Aracı -SİDA) istehsalı dekabr ayında tamamlanacaq.
400 kilometr üzmə uzaqlığına, 65 km/saat maksimum sürətə, gündüz və gecə görmə qabiliyyətinə, milli şifrələnmiş rabitəyə sahib SİDA müasir kompozit materiallardan inşa edilir.
SİDA maşınlar üzərində yerləşdirilmiş komanda-nəzarət mərkəzindən, qərargahlardan və ya gəmilərdən idarə oluna biləcək.
“Ulaq” seriyası üzrə müxtəlif təyinatlı katerlərin yaradılması planlaşdırılır.
SİDA kateri ROKETSAN şirkətinin istehsalı olan 4 ədəd “Cirit” və 2 ədəd L-UMTAS raketi ilə silahlandırılacaq. Katerin silahlardan atış sınaqlarının 2021-ci ilin birinci rübündə keçirilməsi planlaşdırılır.