İstanbul Aydın Universiteti və Azərbaycan Dövlət Rəssamlıq Akademiyasının birgə layihəsi olan "29 Ekim-29 sənətçi" adlı sənət və rəsm sərgisində Türkiyə Cümhuriyyətinin yaranmasının 97-ci ilində dörd qardaş ölkədən olan mədəniyyət nümayəndələri bir araya gələcəklər.

"29Ekim-29 sənətçi" sərgisində Türkiyə, İran, Azərbaycan, KKTC-dən bir sıra tanınmış mədəniyyət nümayəndələri iştirak edəcək.

Sözügedən sərgiyə ən böyük dəstək Azərbaycanın tanınmış müğənnisi Azərindən gəldi. O, sərgini dəstəklədiyini videoçəkilislə gerçəkləşdirdi.

Ulu öndər Mustafa Kamal Atatürkün Azərbaycan Xalq Cümhuriyyətinin yaradıcısı Məhəmməd Əmin Rəsulzadəyə yolladığı məktubu oxuyub :

"Türkün azadlıq bayrağını sən dalğalandırdın, o bayraq enməsin deyə sənin əlindən alıb Türkiyə üzərində dalğalandırdım. Bu bayraq enməz demişdin, enməyəcək!" Baxın, bizim bu qədər dərin bağlarımız var" ifadələri keçir.

Sərgidə həmçinin Azərbaycan xalq mahnılarının dünya şöhrətli ifaçısı Alim Qasımovun qızı Fərqanə Qasımova da sərgiyə dəstəyini nümayiş etdirdi:" Allah dövlətimizi və millətimizi qorusun. Sevgilər əziz Türkiyəm. Həmişə ucal!"

İAU-nin rektoru Dr.Yadigar İzmirli də "29 Ekim-29 Sanatçı" sərgisi ilə bağlı fikirlərini bölüşdü: " İAU ilə qardaş Azərbaycanın ən mühüm təhsil ocaqlarından biri olan Azərbaycan Dövlət Rəssamlıq Akademiyasının dəstəyi ilə reallaşan bu online sərgi dörd dost ölkəni İran Azərbaycan, Türkiyə və KKTC-ni daha sıx mədəniyyət bağları ilə birləşdirməyə xidmət edir. Belə bir mühüm layihədə yer aldığımız üçün qürur duyuram.

Bu barədə TED.az-a Azərbaycan Dəmir Yollarından məlumat verilib.

Qeyd olunur ki, layihənin rəhbəri Lalə Hüseynova bildirib ki, son günlər baş verən hadisələr və İkinci Qarabağ Savaşı başlayan ilk gündən daim Azərbaycan dövlətinin və xalqının yanında olan Türkiyə həqiqətən də qardaş olduğunu sübut etdi. O, ümummilli lider Heydər Əliyevin "Bir millət, iki dövlət" şüarını öz əməli ilə sübut etdi. Biz hər daim Türkiyə təhsil ocaqları ilə sıx əməkdaşlıq edirik.

Bu yolda bizə mənəvi dəstək olanAzərbaycanın birinci xanımı vitse-prezident Mehriban xanım Əliyevaya minnətdarıq. Çünki biz bütün nailiyyətlərimizdə onun siyasətini, qayğısını, diqqətini özümüzə örnək götürmüşük. Mehriban Əliyevanın gənclərə diqqəti, təhsilə xüsusi qayğı və nəzarəti, müttəfiq ölkələrlə mədəni əlaqələrin qurulması bizlərə bu imkanları verir.