Tələbələr Instagram-da iki boşluq tapdılar - 50 dollar mükafat təklifi aldılar
Universitet tələbələri olan Arda Kılıç və Mert Ergün Instagram-da iki boşluq tapıblar. Gənclər sosial şəbəkə rəsmiləri ilə danışıq zamanı təklif edilən mükafatın gülünc olduğunu bildiriblər.
TED.az Türkiyə KİV-nə istinadən xəbər verir ki, boşluqların detallı şəkildə tətbiq rəsmilərinə bildirdikləri təqdirdə tələbələrə 50 dollar mükafat veriləcəyi vəd edilib.
Gənclər 10.000 dollar mükafat istəsələr də bu gözləntiləri cavabsız buraxılıb.
Proqram təminatı ilə məşğul olan A.Kılıç Instagram-ın Sazlamalar bölməsində həyata keiçirilən əməliyyat nəticəsində Şikayət etmə butonunun deaktiv olduğunun fərqinə varıb və məsələni dostu Mert Ergün ilə bölüşüb. M.Ergün əməliyyatın əksini yoxladığı zaman başqa boşluq aşkarlayıb. Belə ki, həmin boşluqdan dolayı başqaları istifadəçinin profilini görə bilmir. Ancaq istifadəçi özü rəy yaza, "like" edə, başqalarının profilinə baxa bilir.
Gənclər gülünc mükafatı qəbul etməsələr də, boşluqlar barədə şirkət rəsmilərinə detallı məlumat verdiklərini bildiriblər.
Qeyd edək ki, daha öncə Instagram-da boşluq aşkarlayan gənclərə şirkət tərəfindən 750 dollar mükafat verilib.