Dünyada ilk dəfə olaraq Sinqapurda hakimiyyət laboratoriya şəraitində istehsal olunan toyuq ətinin satışına icazə verib. 

TED.az xəbər verir ki, bu barədə ölkənin ərzaq agentliyinin bəyanatında deyilir.

"Daxil olan təklifləri qiymətləndirib, onların təhlükəsizliyini müəyyən edərək, ABŞ-ın "Eat Just" şirkətinin Sinqapurda istehsal edilmiş toyuq ətini satmasına icazə verilməsi qərara alınıb", - deyə bəyanatda bildirilib.

Agentliyin rəhbəri Tan Li Kimin sözlərinə görə, işçilər süni ətin təhlükəsizliyini qiymətləndirməyə davam edəcək, ekspertlərlə məsləhətləşmələr aparacaq və yeni məhsulları bazara daxil olduqda yoxlayacaqlar.