Bu yaxınlarda Amazon şirkəti Tramp tərəfdarlarının istifadə etdiyi Parler sosial şəbəkəsinin bulud hostinginə girişi bloklayıb. Artıq Parler saytı işləmir. Xidmət Amazon şirkətini antiinhisar qanunlarını pozmaqda günahlandıraraq məhkəməyə verib. 

TED.az xəbər verir ki, Amazon bu addımını Parler-də şiddətə təhrik edən yazı tapmaqla əsaslandırır.

Sosial şəbəkədə şirkətin tədbirlərinin "ölümcül zərbə" olduğu qeyd edilib. Parler rəhbərliyi bildirib ki, Amazon Tvitterə üstünlük vermək üçün rəqabəti qanunsuz şəkildə məhdudlaşdırmağa çalışır. 

Parler Amazonun müqavilənin ləğvi barədə onu 30 gün əvvəl xəbərdar etməli olduğunu xatırladıb. 

Qeyd edək ki, Parler tətbiqi Google Play Store və App Store-dan da silinib.