Məlum olduğu kimi, dünən Tvitter Rusiyanın koronavirus peyvəndi "Sputnik V"nin sosial media hesabını blokladı. 

TED.az xəbər verir ki, hesab müəllifləri abunəçiləri səhifəni blokdan çıxarmaq istəyi ilə Tvitter ilə əlaqə saxlamağa çağırdılar. 

Bu çağırışdan sonra hesab blokdan çıxarıldı.

Tvitter "Sputnik V" peyvənd profilinin bloklanmasının səbəbini ABŞ-dan icazəsiz giriş cəhdi ilə izah edib.

"Tvitter ABŞ-ın Virginia əyalətindən icazəsiz giriş cəhdinə görə blokladığı @sputnikvaccine hesabına girişi bərpa etdi", - deyə hesab müəllifləri qeyd ediblər.

Qeyd edək ki, Sputnik V dünyanın ilk qeydiyyata alınmış COVID-19 peyvəndidir.