ABŞ-ın Pfizer əczaçılıq şirkəti koronavirusa qarşı peyvəndin Avropaya tədarükünü gələn həftədən müvəqqəti olaraq azaldacaq.

TED.az xarici KİV-ə istinadən xəbər verir ki, bu barədə Norveç İctimai Səhiyyə İnstitutu bildirib.

Qurumun açıqlamasında Pfizer-in illik istehsal gücünü 1,3 milyard dozdan 2 milyard dozayadək artırmağı qarşıya məqsəd qoyaraq texnoloji dəyişikliklər apardığı göstərilir.

“Biz gələn həftəyə Pfizer-dən 43.875 dərman dozunu gözləyirdik. Artıq belə görünür ki, 36.075 doz alacağıq”, - deyə bəyanatda qeyd olunur.

Pfizer şirkətinin əvvəlki istehsalat gücünə nə vaxt qayıdacağının hələlik müəmmalı olduğu da vurğulanıb.