WhatsApp messencerində böyükhəcmli mesaj massivi ilə işləməyi asanlaşdıracaq Read Later (sonra oxumaq) funksiyası istifadəyə veriləcək.

TED.az xarici KİV-ə istinadən xəbər verir ki, yeni funksiya “Archive” (arxiv) funksiyasını əvəz edəcək. 

Sözügedən xüsusiyyət messencerin Android üçün versiyalarında beta sınaqdan keçirilir. Amma tezliklə başqa platformalar üçün də əlçatan ola biləcəyi deyilir.

Əvvəllər arxivləşdirmə vaxtı istifadəçiyə mesaj göndərilməsi dayandırılırdı, indi isə bölmə yuxarıda bərkidiləcək, istifadəçilər mesajları həmin bölmədə görə biləcək, amma bildiriş gəlməyəcək.