Feysbuk və İnstaqram Trampın hesabını blokdan çıxartdı
ABŞ Prezidenti Donald Trampın əvvəllər bloklanmış İnstaqram və Feysbuk hesabları blokdan çıxarıldı.
TED.az xəbər verir ki, ABŞ-ın hazırkı prezidentinin profilləri yenidən tam formada fəaliyyətə başlayıb.
Tvitterin qurucusu Cek Dorsinin hazırkı prezident Donald Trampın sosial media hesabının uzun müddət bloklanacağı ilə bağlı rəsmi olmayan açıqlaması mediada yayılıb. Bundan əvvəl Tvitter və Feysbuk Trampı şiddətə təhrik etməkdə günahlandıraraq sosial media hesablarında müddətsiz bloklamışdı.
Qeyd edək ki, yanvar ayının 6-da Tramp tərəfdarları prezident seçkisinin nəticəsi ilə razılaşmayaraq ABŞ Konqresinin binasına hücum ediblər. Hadisə nəticəsində beş nəfər ölüb. Bundan sonra bir neçə məşhur sosial şəbəkə ABŞ prezidenti Donald Trampın sosial media hesablarını əngəlləyib.