Google şirkətinin nümayəndələri bildiriblər ki, Avstarilya rəsmiləri xəbər məzmununa görə ödənişlərlə bağlı qanunu qəbul edərsə, ölkədəki internet axtarış sistemini dayandıracaq.

TED.az xəbər verir ki, bunu şirkətin regional ofisinin direktoru Mel Silva deyib.

“Qanun qəbul edilsə, Avstraliyadakı Google axtarışlarına çıxışı dayandırmaqdan başqa çarəmiz qalmayacaq”, - deyə Silva bildirib. 

Qeyd edək ki, Avstraliya hökumətinin təşəbbüsü ilə hazırlanan qanun layihəsinə görə, texnologiya kampaniyalarında məzmununa görə ödənişlər yerli nəşriyyat və yayım şirkətləri ilə müzakirə ediləcək. Razılaşma əldə edilmədiyi təqdirdə isə ödənişlərin miqdarı dövlət tərəfindən təyin olunmuş hakim müəyyənləşdirəcək.