İŞ VAR: “Azərkosmos” mütəxəssis axtarır
“Azərkosmos” Marketinq departamentinə “Məhsulun inkişafı üzrə mütəxəssis” vakansiyasını elan edib.
TED.az xəbər verir ki, sözügedən vəzifə aşağıdakı öhdəliklərdən ibarətdir:
- Məhsulun inkişafı və strateji planlaşdırma məqsədilə inteqratorların, rəqib şirkətlərin, VSAT operatorların məhsulları haqqında ətraflı məlumatın toplanılması
- Peyk, yerüstü sistemlər, simsiz rabitə, texniki avadanlıqlar, sistemlər haqqında texniki məlumatlara dair anlayışın olması
- Bazar məlumatlarını əldə edib araşdıraraq müştəri ehtiyacları və istəklərini müəyyənləşdirmək
- Departament daxili yeni layihə və həllərin məhsullaşdırılması
- Məhsul inkişafının ilkin mərhələsini, eləcə də məhsulun yaradılması, idarə olunmasi və sənədləşdirilməsi ilə bağlı tələb və nəticələri formalaşdırmaq və idarə etmək,
komandanı məhsul barədə təlimləndirmək;
-Yeni məhsul, proqram və layihələrin uyğun istifadə qaydalarının hazırlanması və Marketinq departamentinin digər əlaqədar üzvləri ilə birgə dizayn edilib çapa verilməsi;
- Yeni məhsullar haqqında təlim materiallarının hazırlanması və info sessiyaların verilməsi;
- Rəqiblərin məhsullarını şirkət məhsulları ilə müqayisə edib bazar rəqabətini qiymətləndirmək;
- Satış ilə müştərilərə zəng edib məhsulun bazarı məlumatlarını qiymətləndirmək, analiz etmək və nəticələri dəyərləndirmək;
- Məhsul variantları və planları haqqında məlumatı menecmentə təqdim etmək;
- Beynəlxalq sərgilər, konfranslar və digər tədbirlərdə iştirak edərək yeni məhsulları, həlləri araşdırmaq və müəyyənləşdirmək, əməkdaşlıqlar qurmaq;
- Fərdi plana uyğun olaraq illik marketinq hədəflərini icra etmək, nail olmaq və layihələrin uğurla həyata keçirilməsi üçün əməkdaşlara dəstək göstərmək.
Namizədə irəli sürülən tələblər:
Təhsil: Mühəndislik yönümlü ixtisaslarda bakalavr dərəcəsi
İş təcrübəsi: Telekommunikasiya, yerüstü sistemlər, səyyar texnologiyalar sahəsində məhsul inkişafı, marketinq, biznesin inkişafı üzrə azı 3 il iş təcrübəsi
Dil bilikləri: Azərbaycan dili (yüksək səviyyədə)
İngilis dili (yüksək səviyyədə)
Kompüter bilikləri: MS Office (Yüksək səviyyədə Excel, Power Point, Word)
Layihə idarəetməsi proqramları və alətlərində işləmək bacarığı
Bacarıqlar:
- Texniki və qeyri-texniki konseptləri qeyri-texniki auditoriyaya ötürə bilən əla yazı və şifahi kommunikasiya, təqdimat bacarıqları
- Mürəkkəb məsələ və informasiyanı sadələşdirmək
- İşgüzar prezentasiya, əyani və telefon danışıqları
- Əsas tərəfdaşlarla işləmək və onlara təsir etmə bacarığı
- Vizuallaşdırma
- Kollektivdə çalışmaq
- Müştəri yönümlü düşüncə tərzi
- Kritik düşünmə
Qeyd edək ki, bu meyarlara uyğun namizədlər CV-lərini 3 fevral 2021-ci il tarixinə qədər hr@azercosmos.az ünvanına “Product development” başlığı ilə göndərə bilərlər.