"LinkedIn" sosial şəbəkəsinin rəhbərliyi İnternet resursları üçün yeni normativ tələblər səbəbindən platformanın Çində lokallaşdırılmış versiyasının işini dayandırmaq qərarına gəlib.

TED.az-ın  məlumatına görə, bu barədə müvafiq açıqlama sosial şəbəkənin rəsmi bloqunda yayılıb.

LinkedIn-dən bildirilib ki, sosial şəbəkənin yeni strategiyası Çinli mütəxəssislərə ölkədə iş tapmaqda və yerli şirkətlərə ixtisaslı namizəd tapmaqda kömək göstərməyə yönələcək:

Məlumata əsasən, Çində iş axtarışı üçün olan yeni "InJobs" tətbiqinin fəaliyyətə başlanılması nəzərdə tutulub.