Paytaxt məktəblərindən 189-da STEAM dərsləri keçilir
Paytaxt məktəblərindən 189-da STEAM dərsləri keçilir.
TED.az xəbər verir ki, bunu təhsil STEAM Azərbaycan layihəsinin rəhbəri İqrar Nəzərov Bakı Ekspo Mərkəzində 6-11-ci sinif şagirdləri üçün təşkil olunan “STEAM Azərbaycan Festivalı 2021”in açılış mərasimində deyib.
O bildirib ki, Bakı məktəblərində STEAM dərslərinin tədrisini 1200 müəllim aparır.
Qeyd edək ki, Heydər Əliyev Fondunun dəstəyi ilə Təhsil Nazirliyi tərəfindən reallaşdırılan STEAM layihəsinin məqsədi müasir təhsil çağırışları əsasında inkişaf etmiş ölkələrdə tətbiq edilən təhsil yeniliklərinin ölkəmizdə tətbiqi imkanlarının öyrənilməsi və öyrədilməsindən ibarətdir. STEAM beş sahənin – elm, texnologiya, mühəndislik, incəsənət və riyaziyyatın birgə və inteqrasiya olunmuş tədrisi ideyası üzərində qurulub.