Ötən il 22 minədək startap və biznesə yeni başlayanlar KOBİM-in xidmətlərindən faydalanıb
2021-ci ildə KOB İnkişaf Mərkəzləri (KOBİM) tərəfindən 20 min iştirakçıya müxtəlif mövzularda 1600-ə yaxın təlim keçirilib, 1800 KOB subyektinə 15 min saatdan çox məsləhət xidmətləri göstərilib.
Kiçik və Orta Biznesin İnkişafı Agentliyindən (KOBİA) TED.az-a bildirilib ki, bu xidmətlərdən 22 minədək KOB subyekti, startap və biznesə yeni başlayanlar faydalanıb. Həmçinin ötən il KOBİM-lər tərəfindən ödənişsiz olaraq sahibkarlara 250-dək biznes planın hazırlanmasında dəstək göstərilib. KOBİM-lərin dəstəyi ilə ötən il Bakı və regionlar daxil olmaqla, kənd təsərrüfatı və xidmət sahələrində 76 yeni KOB subyektinin yaradılmasına və 19 KOB subyektinin maliyyə resurslarına çıxışına dəstək təmin edilib.