AZ

Dünyada İLK DƏFƏ: Aydan torpaq gətirib...

 

1c635c897826ba5c6e5b50f2d81521f4.jpg
16.05.2022 10:20

Alimlər ilk dəfə olaraq Aydan toplanan torpaqda bitki yetişdiriblər.

 

TED.az BBC-yə istinadən xəbərinə görə, Amerika Birləşmiş Ştatlarının Florida Universitetinin alimləri 1962-1972-ci illərdə Apollon missiyaları zamanı toplanan Ay torpağına xaççiçəyi (turpgiller ) ailəsindən olan siçan qulağı tərəsi toxumu əkiblər. Toxumların 2 gündən sonra cücərdiyi müşahidə edilib.

 

Beləliklə, ilk dəfə toxumlar Ay torpağında uğurla cücərdilib.

 

 Araşdırma üçün Florida Universitetinin elmi qrupuna bitki başına 1 qram torpaq verilib. Alimlər buna təəccübləndiklərini ifadə edərək inkişaf edən cücərtinin daha sonra yavaşladığını və quruduğunu deyiblər.

 

Tədqiqat NASA - Amerika Kosmos və Aeronavtika Agentliyinin “Ayda yaşayış məntəqəsinin yaradılması” layihəsi üçün mühüm addım kimi qiymətləndirilir.

 

Qeyd edək ki, NASA astronavtları 1962-1972-ci illərdə Apollon missiyaları zamanı Ay səthindən 382 kiloqram torpaq, toxum, çınqıl, qum və toz gətiriblər.

Dünya bölməsindən digər xəbərlər

Daha çox