İşğaldan azad edilmiş ərazilərdə yaşıl texnologiyaların və enerji səmərəliliyi tələblərinin tətbiqi ilə bağlı əlaqələndirmə və monitorinq üzrə İşçi Qrupun tərkibində yaradılmış alt İşçi Qrupun növbəti iclası keçirilib.

Bərpa Olunan Enerji Mənbələri Dövlət Agentliyindən TED.az-a bildirilib ki, iclası giriş sözü ilə qurumun direktoru, alt İşçi Qrupun rəhbəri Cavid Abdullayev açıb. İclasda alt İşçi Qrupun fəaliyyəti ilə bağlı tematik tədbirlər üzrə müəyyən olunmuş məsul şəxslər tərəfindən görülmüş işlərə dair hesabatlar dinlənilib və cari məsələlərə dair müzakirələr aparılıb.