“IoT LAB Internship” 2019-cu ildə Microsoft və İKT LAB Tətbiqi və Tədris Mərkəzinin əməkdaşlığı nəticəsində yaradılmış Əşyaların İnterneti laboratoriyasının ilk təcrübə  proqramı olub. Təcrübə proqramına 350 nəfərdən çox gənc müraciət edib və qeydiyyatdan keçib. Qeydiyyatdan keçən gənclər müəyyən edilən tələblər üzrə imtahan olunmuş və imtahandan uğurla keçən 32 nəfər təcrübə proqramında iştirak hüququ əldə edib”.

TED.az xəbər verir ki, bunu “IoT LAB Internship 2019” Hesabat tədbirində İKT LAB Tətbiqi və Tədris Mərkəzinin direktoru Rauf Cabbarov deyib.

HƏMÇİNİN OXU: Xanımlar üçün regional İKT layihəsi hazırlanır – AÇIQLAMA

Rauf Cabbarov bildirib ki, təcrübə proqramında 5 universitetdən 18 tələbə iştirak edib: “Laboratoriyanın ekspertinin rəhbərliyi ilə tələbələr 10 layihə icra ediblər. Təcrübə proqramı çərçivəsində hazırlanan layihələr – “Air quality monitor”, “Smart home”, “Cleaner Drone”, “Suvarma sistemi”, “Parking Observer”, “Fleet Management System”  və “Ağıllı turniket” Bakutel sərgisində uğurla nümayiş olunub”.

Zeynəb ƏKBƏR