Şagirdlərin elektron yerdəyişməsi prosesi davam etdirilir.

Təhsil Nazirliyindən TED.az-a verilən məlumata əsasən, bu gündən etibarən şagirdlərin elektron yerdəyişməsi prosesinə yenidən start verilir.

HƏMÇİNİN OXU: Nazir müavini: Rəqəmsal təhsil üçün Azərbaycanda mühüm addımlar atılıb

Şagird yerdəyişməsinin elektronlaşdırılması bu prosesdə məktəb və valideyn arasında olan məsafənin azaldılmasına və valideynin təhsil müəssisəsi ilə təmasının daha şəffaf şəkildə təşkilinə xidmət edir. Şagirdlərin yerdəyişməsi prosesi 2019-cu ilin avqustun 15-dən www.sy.edu.az portalı və Alternativ Qeydiyyat mərkəzləri vasitəsilə həyata keçirilir.

Qeyd edək ki, yanvarın 25-dən fevralın 13-dək şagirdlərin elektron yerdəyişməsi (www.sy.edu.az) portalında və bu məqsədlə yaradılmış Alternativ Qeydiyyat mərkəzlərində məktəblərdə siniflərin komplektləşdirilməsi ilə bağlı yerdəyişmə ilə əlaqəli sorğuların qəbulu müvəqqəti dayandırılmışdı.