AZ

Azərbaycanın rəqəmsal iqtisadiyyat ekosistemində problemlər mövcuddur – EKSPERT

8bed90029ec8b1c5d79bad676b0ff6d8.jpg
14.02.2020 18:20

Hazırda dünya ölkələri yeni inkişaf mühitinə qədəm qoyaraq rəqəmsallaşma istiqamətində yeni təşəbbüslər irəli sürürlər. Belə bir dövrdə rəqəmsal texnologiyaların tətbiqi, xüsusilə də iqtisadiyyatın rəqəmsallaşması və rəqəmsal iqtisadiyyatın qurulması ən çox müzakirə olunan məsələlərdəndir.

 

Lakin Azərbaycanda rəqəmsal iqtisadiyyatın inkişafında bəzi problemlər mövcuddur. Bu problemlərin həlli yolları nələrdir?

 

HƏMÇİNİN OXU: Rəqəmsal ödənişlər sahəsində Qafqazda ilk forum müzakirə olunub

 

 Ekspert İsa Qasımov TED.az-a bildirib ki, Azərbaycanda ekosistem problemi var: “Yəni Azərbaycan sərbəst bazar iqtisadiyyatının formalaşmasında çətinlik çəkir. Burda yalnız qanunvericiliyin rolu yox, ictimaiyyətin tələbkarlığı, hüquqlarını bilməyi, müdafiə istəyi, öz-özünü tənzimləyən ekosistemin formalaşmasına mane olan digər ictimai-sosial amillər bizdə biraz kəskindir”.

 

 

 

 

İsa Qasımov qeyd edib ki, insanlar qanunvericiliyi öyrənib, imkanlardan istifadə etməyə meyilli deyil: “Məsələn, hökumət qərar verir ki, vergini ödə və heç kimi “görmə”. Yəni heç kimə rüşvət vermə, “hörmət etmək” məcburiyyətində qalma, vergini elektron ödə. Belə olduğu halda bəziləri də düşünür ki, hər şey kassadan keçəcəksə, necə dolanacaq. Amma bunu araşdırsalar, rejim və mahiyyət siyasətini yerinə yetirsələr, vergi, maliyyə strategiyasını şirkət daxilində düzgün qursalar vergini bu cür ödəmə qanunvericiliyi onların xeyirinə olar. Lakin ictimaiyyət çox düşünmək, oxuyub araşdırmaq istəmir. Rəsmi mühasibatlığı tətbiq etmək üçün ənənəvi yolu seçirlər. Bu da onların sahibkarlıq fəaliyyətinin uzun müddət strategiyasına mənfi təsir göstərir və ümumiyyətlə formalaşa bilmir”.

 

Nuranə DAXİLQIZI

QARABAĞ bölməsindən digər xəbərlər

Daha çox