"Xüsusi Karantin Rejiminin Tətbiqi Zamanı İcazələrin Alınması və Monitorinqi Sistemi" vasitəsi ilə vətəndaş sorğularının cavablandırılması davam etdirilir. Dövlət və ya özəl təşkilatlar, həmçinin sahibkarlıq fəaliyyəti ilə məşğul olan fiziki şəxslər icaze.e-gov.az saytı vasitəsilə qeydiyyata alınırlar. 

TED.az xəbər verir ki, vətəndaşları ən çox maraqlandıran suallardan biri də portalda icazənin olub-olmamasını yoxlamağın mümkünlüyü məsələsidir. 

Qeyd edək ki, icazənin olub-olmaması ilə bağlı məlumatı çalışdığınız təşkilatdan əldə etməlisiniz. Fəaliyyətinə icazə verilmiş sahələrin əməkdaşlarının məlumatları sistemə daxil olunduqdan və təsdiq edildikdən sonra sistemdə yaşıl işarə əks olunarsa, qeydiyyatdan keçmə təsdiqlənir. Eyni zamanda işlədiyiniz şirkət tərəfindən icazə haqqında məlumatı elektron olaraq əldə edə bilərsiniz. 

Xatırladaq ki, yalnız zərurət yarandığı halda bu xidmətlərdən istifadə etmək tövsiyə olunur. SMS sistemi vasitəsi ilə icazə alınması zamanı sui-istifadə halları daim araşdırılacaq. Belə hallara yol verən vətəndaşlar barəsində ciddi tədbir görüləcək.