"İcaze.e-gov.az"da dünəndən etibarən, yeni xidmət yaratmışıq". 

TED.az xəbər verir ki, bu sözləri Elektron Hökumətin İnkişafı Mərkəzinin direktoru Fariz Cəfərov AzTV-nin efirində, "Hədəf" verilişində deyib. 

F.Cəfərov nəzərə çatdırıb ki, qurumlar icazəni portala daxil etdikləri və ya dayandırdıqları zaman bəzən əməkdaşlarına ya məlumat vermir, ya da unudurdular. Bu isə müəyyən problemlərə səbəb olurdu: "Həmin şəxslər icazəsinin olmadığından postda yoxlanış zamanı xəbər tutur və cərimlənirdilər. Bu kimi halların qarşısını almaq üçün icaze.e-gov.az portalını Elektron Hökumət Portalına my.gov.az inteqrasiya etdik. Artıq icazə ilə bağlı e-hökumət portalına müraciət etmək lazım gəlir. İcazəli əməkdaşlar şəxsi kabinetlərinə daxil olaraq icazələrinin aktiv olub-olmadığını yoxlaya, hətta yükləyə bilirlər. "Brcode" və "QR code" imkanları yaradılıb". 

Mərkəz direktoru onu da vurğulayıb ki, sabahdan etibarən, Daxili İşlər Nazirliyi ilə əməkdaşlıq çərçivəsində bu kodların xüsusi cihazlar vasitəsilə oxudulması mümkün olacaq: "Beləliklə, vətəndaşların postları daha tez, vaxt itirmədən keçməsi təmin ediləcək". 

Cavid QƏDİR