Bir sıra domen satışı ilə məşğul olan şirkətlərdən .AZ ilə bitən Azərbaycanın milli domenlərini almaq mümkündür. Ancaq bəzi domenlər onlayn şəkildə satışda yoxdur. Bu domenlərdən biri də təhsil müəssisələrinin istifadə etdiyi .EDU.AZ-la bitən domenlərdir.

TED.az olaraq domen satışıyla məşğul olan Online.az şirkətindən bu domenin necə satılmasıyla bağlı məlumat əldə etdik. Şirkətdən bildirildi ki, “.EDU.AZ” ilə bitən domen hər kəsə satılmır. Belə domenləri almaq üçün şirkətə alıcı tərəfindən rəsmi məktub göndərilməlidir. Məktub araşdırılaraq müəssisənin fəaliyyətinin doğruluğu təsdiqləndikdən sonra domen satışı həyata keçirilir. Həmçinin şirkətə ünvanladığımız müraciətə cavab olaraq “.GOV.AZ” ilə bitən domenlərin satışı üçün şirkətin səlahiyyətinin olmadığı və bu domenin dövlət tərəfindən verildiyi də qeyd edildi.