Fransanın tədqiqat universiteti olan PSL-nin mütəxəssisləri fotolardakı insan simalarını skan edən və həmin şəxsin etibarlılıq dərəcəsini müəyyənləşdirən alqoritm hazırlayıblar.

TED.az xəbər verir ki, tədqiqatçılar yeni üsuldan istifadə edərək 1500-cü illərdən bəri, həyat səviyyəsi yaxşılaşdıqca insanların xarici görünüşündə etibarlılığın artdığını aşkarlayıblar. Modelin hazırlanması üçün məşhur sima və köhnə portretlərin fotoşəkillərindən istifadə olunub.

Məsələn, müəlliflər İngilis kraliçası I Yelizavetanı Meqan Markl ilə müqayisə edərkən, ikincinin 3,5 dəfə daha etibarlı olduğu qənaətinə gəliblər. Həmçinin Böyük Britaniya kraliçası II Yelizavetanın sələfindən 2 dəfə daha etibarlı olması müəyyən edilib.

Alqoritm insanın dürüstlüyünü öz-özünə ölçmür, əsasən, portret müəlliflərinin yaratdıqları obrazlarda göstərmək istədikləri xüsusiyyətlər nəzərə alınır.

Tədqiqatçılar, ABŞ prezidentliyinə namizədlər Donald Tramp və Jo Bayden-in fotolarını da müqayisə edərək, Bayden-in Trump-dan 300 % daha etibarlı göründüyünü aşkarlayıblar. Bənzər nəticə keçmiş ABŞ prezidenti Barak Obamanı Rusiya prezidenti Vladimir Putinlə müqayisə edərkən də əldə olunub. Obama Putindən daha etibarlı hesab edilib.

Bəs insanın etibarlılığını fotodan müəyyənləşdirmək həqiqətən mümkündür?

Tədqiqat müəllifləri, birinci mərhələdə üz ifadələri və əzələ hərəkətlərini idarə etmək üçün rəqəmsal görüntülərdən yararlanaraq, alqoritmi müxtəlif səviyyələrdə öyrətmək üçün üçölçülü üz avatarı yaradıblar. 1500-2000-ci illərdə portretlərdə insanlar daha etibarlı görünürdülər. Bunun səbəbi həmin dövrdə həyat səviyyəsinin dəyişilməsi ilə əlaqədar portretlərdə üz əzələlərinin yığılması idi.

Müəlliflər bu texnologiyanı 6 şəhərdə çəkilmiş, sosial mediada paylaşılmış 2277 selfiyə tətbiq ediblər. Komanda sonradan alqoritmi 1506–2016-cı illərə aid Londonda yerləşən Milli Portret Qalereyasında 1962-ci ildə çəkilmiş portretlərdə sınayıb və əlaqə özünü doğruldub. Tədqiqat nəticələri veb-sənət qalereyasındakı 4.106 portret üzərində də təsdiqlənib. Müəlliflər isə etimadın artmasını qismən böyüməkdə olan iqtisadiyyat, cinayətlərin azalması və cəmiyyətdəki tolerantlıqla əlaqələndiriblər.