AZ

Azərbaycanda kriptovalyuta gəlirlərindən vergi tutulması ədalətlidir? - AÇIQLAMA

038b4644284006e98860b30ed4997030.jpg
05.06.2021 12:58

Vergi Məcəlləsinə əsasən, vergiödəyicisinin kriptovalyuta ilə əməliyyatlardan aldığı gəlir qeyri-sahibkarlıq fəaliyyətindən əldə olunan gəlir hesab olunur. Dövlət Vergi Xidmətinə-dən TED.az-a verilən məlumatda bildirilir ki, bu zaman, gəlir əldə edən şəxs vergi orqanlarında uçota alınmaqla VÖEN əldə etməli və əldə edilən gəlirdən Vergi Məcəlləsinə uyğun olaraq 14 faiz dərəcə ilə gəlir vergisi hesablayaraq növbəti ilin mart ayının 31-dən gec olmayaraq gəlir vergisi bəyannaməsini vergi orqanına təqdim etməklə dövlət büdcəsinə ödəməlidir

 

Kriptovalyuta əməliyyatlarından vergi tutulması ilə bağlı açıqlama verən Crypto Consulting MMC-nin direktoru Elnur Quliyev bildirib ki, birja və ya elektron ödəniş sistemlərinə vəsaitin mədaxil edildiyi zamanı Azərbaycanda fəaliyyət göstərən bankların təqdim etdiyi plastik kartlardan 10-18% xidmət haqqı tutulur. Yəni, vətəndaş hər hansı qazanc əldə etmədən əvvəl rüsümu ödəmiş olur. Bu zaman belə bir sual yaranır bu şəxs qazanandan sonra niyə yenidən vergi ödəməlidir?

 

Məlumdur ki, kriptovalyutalara investisya etmək istəyən şəxs ardıcıl olaraq 4 dəfə komissiya xərci ilə qarşılaşır:

 

Birjaya mədaxil zamanı rüsum: bank tərəfindən tutulur;

 

Birjadan rəqəmsal vəsaitin məxaric edildiyi zaman tutulan komissiya: birdəfəlik konkret tariflər əsasında birja tərəfindən tutulur;

 

Bank hesabına mədaxil olmuş vəsaitin nağdlaşdırılması zamanı tutulan rüsum: banklar nağdlaşdırma komissiyası kimi tutur.

 

Odur ki, qoyulan investisya o dərəcədə rentabelli olmalıdır ki, bütün bu sadalığım komissiya xərclərini üstələyə bilsin. Kriptovalyuta əməliyyatlarından əldə olunan gəlirdən xüsusi verginin tutulmasına da toxunan Elnur Quliyev “İstənilən halda kriptovalyuta alışı zamanı vətəndaş gələcəkdə aktivin qiymətinin artmasından aslı olmayaraq kifyaət qədər yüksək olan rüsümu əvvəlcədən ödəmiş olur. Bundan əlavə, birjalarda alqı-satqı əməliyyatları və məxaric üzrə komissiyalar ödəmidir. Bütün bu xərcləri ödədikdən sonra vətəndaşdan könüllü olaraq yenidən gəlir vergisini ödəmək üçün vergi bəyannamə təqdim etməsini gözləmək sadəlövlük olardı. Hesab edirəm ki, kriptovalyuta əməliyyatlarına vergi mexanizminin tətbiqi ədalət prinsiplərinə əsaslanmalı, fiziki və ya hüquqi şəxs olmasından aslı olaraq konkret tariflər əsasında müəyyən edilməlidir. Ədalətli və obyektiv vergi mexanizminin tətbiqi vətəndaşları kripto-əməliyyatlar üzrə gəlir vergisini ödəməyə motivasiya edəcək.”

 

Müəllif: Aynur Qəniyeva

e-Azərbaycan bölməsindən digər xəbərlər

Daha çox