Son dönəmlərə damğasını vuran tətbiqlərdən biri də TikTok-dur. Bu adı demək olar ki, gözümüz hər yerdə görür, qulağımız hər vaxt eşidir. Vine və YouTube-dan sonra Musical.ly-nin yeni versiyası olan TikTok, həyatımıza bir çox yeni simalar gətirib. Müsbət tərəfi odur ki, bu üzlər YouTube və ya İnstaqramdakı kimi çoxunuzun günlük həyatından uzaq insanlar deyil. Hər gün küçədə, işdə, məktəbdə qarşılaşdığımız, bir sözlə, elə öz ətrafımızdakı insanlardır (insanlardandır).

Asiya ölkələrində daha çox məşhurluq qazanan musiqili video tətbiqi – TikTok-u virus adlandıranlar da var. Əgər belədirsə, ölkəmizdə bu xəstəliyə yoluxanların sayı olduqca çoxdur. Buna baxmayaraq, TikTok sevərlər də azlıq təşkil etmir, kifayət qədər TikTok izləyicilərinə və istifadəçilərinə sahibik.

Bəs TikTok-un ölkəmizdə ən məşhur simaları, ən çox izlənilən şəxsləri kimlərdir?

TED.az, ölkəmizin ən çox izlənilən TikToker-lərini sizə təqdim edir:

Əmrullayeva Aysun (@ysavaa) – Bu xanımın TikTok hesabı 50,2 min izləyiciyə sahibdir. Videolarına gələn ümumi bəyənmə sayısı isə 402,8 mindir.  

Elvina Rəhimova (@elvina.rva) – Əslən Gürcüstandan olan Elvina xanımın 58,7 min izləyicisi var. Videolarının isə ümumi 1,3 milyon bəyənmə sayı var.

Nicat Fərəcov (@farajov__) – Milli idmançılarımızdan olan Nicat Fərəcov Azərbaycan Taekvando Federasiyasının döyüşçüsüdür. 96,5 min izləyici sayı, 1,7 milyon isə bəyənmə sayı var.

Arzu Nağızadə (@nagizadeharzu) – 134,1 min TikTok izləyicisinə sahibdir. Videolarına isə 1,5 milyon bəyənmə gəlib.

Nuray Muxtarova (@nuraymuxtarova) – Məşhur tele-aparıcı Humay Muxtarovanın övladı Nuray, izləyici sayı baxımından anasından heç də geri qalmır. Nurayın 137,6 min izləyicisi, 3,2 milyon isə bəyənmə sayı var.

İbadova Sünbülə (@sumush777) – Son vaxtlar TikTok-un ən populyar xanımlarından biri də Sünbülədir. Özünə “Sümüş” ləqəbi seçən bu xanımın  149,3 min izləyicisi var. Videolarının bəyənmə sayı isə 4 milyonu ötüb. 

Akşin Əliyev (@_iamakshin_) – Akşin Əliyev hindistanlı məşhur aktyor Şahrux Xana bənzəməsi ilə seçilir. Elə izləyiciləri də bunun fərqindədir. Hindistanlılar tərəfindən də izlənilən Akşin Əliyevin 171,9 min izləyici sayı, 2,6 milyon isə video bəyənməsi var.  

Ramil Şirinov (@ramilsirinov1) – Özünü “babyface”, yəni uşaq üzlü adlandıran Ramilin də TikTok izləyiciləri olduqca çoxdur. O, 205,5 min izləyiciyə, 2,1 milyon isə bəyənməyə sahibdir.

Xəlil Quliyev (@xelilquliev) – Bu yaraşıqlı gəncin 16 yaşı olmasına baxmayaraq, ölkənin ən çox izlənilən TikToker-idir. Onun fanatlarının əksər hissəsinin qadınlar olması gözlərdən qaçmır. 300 min izləyici ilə birinciliyə sahib olan Xəlil Quliyevin ümumi TikTok videolarının 4,8 milyon bəyənmə sayı var.

Tural QARA