“Bitcoin” (BTC) aprelin 20-də Bakı vaxtı ilə saat 4:10-da dördüncü halvingdən sonra 66 min dollara yüksəlib – yeni sikkələrin həcmi iki dəfə azalıb – 6.25-dən 3.125 BTC-yə (20 aprel məzənnəsi ilə təxminən 200 min dollar) düşüb.

Saat 11:00-da “Binance” birjasında “Bitcoin” 1.3 trilyon dollar kapitallaşma ilə 66.324 min dollara ticarət edilib. İllik maksimum 56.41%-ə çatdıqdan sonra “Bitcoin”in ümumi kriptovalyuta bazarının kapitallaşmasında “Bitcoin Dominance Index” adlanan bazar payı azalmağa başlayıb. Aprelin 22-də dəyər 55%-ə çatıb.

Kriptovalyuta bazarında “Bitcoin”in dominantlığının düşməsi kapitallaşma baxımından daha kiçik kriptovalyutaların artım templərinə görə altkoin mövsümünün başlaması ilə əlaqələndirilir.

Son 24 saat ərzində kapitallaşmaya görə ilk 100 kriptovalyutadan ən böyük artımı “Core” (CORE) göstərib – 13%. “Nervos Network” (CKB) son 24 saat ərzində ən çox ucuzlaşıb – 5.7%.