İnternet nə qədər həyatımıza daxil olsa da, günümzün çox hissəsini bu aləmdə keçirsək də tam olaraq elektron dünyaya daxil ola bilməmisik. Müxtəlif dövlət qurumları və özəl şirkətlərin onlayn xidmətlərindən yararlanarkən, çətinliklərlə qarşılaşır və yaxud belə bir xidmətin var olduğundan xəbərsiz oluruq.

Bu imkanlardan rahat şəkildə yararlanmanız üçün TED.az olaraq tərtib etdiyimiz TEDassistant rubrikasında zaman-zaman istifadə qaydasından bəhs edən təlimatlar hazırlayırıq. Budəfəki buraxılışımızda isə Elektron hökumət portalında ən çox müraciət olunan e-xidmətlərdən biri FIN-ə görə fərdi məlumatların axtarışından bəhs edirik.

Bunun üçün Rabitə və İnformasiya Texnologiyaları Nazirliyinin www.e-gov.az “Elektron Hökumət” portalına daxil olmalısınız.

Daha sonra Daxili İşlər Nazirliyi tərəfindən təqdim olunan e-xidmətlər siyahısından “FİN-ə görə fərdi məlumatların axtarışı” bölməsini seçin.

Açılan pəncərədə şəxsiyyət vəsiqənizdə əks olunan fərdi məlumatları görə bilərsiniz.

Məlumat üçün bildirək ki, FİN kod – şəxsiyyət vəsiqəsinin Fərdi İdentifikasiya Nömrəsidir. Bu, şəxs barəsində dövlət reyestrinə daxil edilən məlumatları müəyyən etməyə imkan verən, qanunla göstərilmiş qaydada təqdim edilən təkrarolunmaz koddur. Fərdi identifikasiya nömrəsi yeddi simvollu hərf və rəqəm kombinasiyasından ibarət olan vahid koddur. Haqqında bəhs olunan kod şəxsiyyət vəsiqənizdə fotoşəkil olan üzdə, sağ aşağı küncdə yerləşir. Sondan birinci rəqəmi çıxmaqla, sonrakı 7 rəqəm və hərflərdən ibarət hissə FİN kod adlanır.

Günel QURBANOVA