Galaxy S26 Ultra, telefonun tez doldurulmasına imkan verən 60 Vt sürətli şarj texnologiyası ilə gələcək.

Gələn il təqdim olunacaq Galaxy S26 Ultra 60W sürətli enerji doldurma texnologiyasına sahib olacaq. Bu texnologiya telefonun batareyasını cəmi 30 dəqiqə ərzində 75-80 faiz dolduracaq. Məlum olduğu kimi, hazırkı S25 Ultra modeli 45 Vt doldurma sürətinə malikdir. Bu, şarj sürətinin əhəmiyyətli dərəcədə artması deməkdir.

Galaxy S26 Ultra şarj sürəti ilə heyranedici olacaq.

Hesablamalara görə, telefonun 50 faiz doldurulması təxminən 15 dəqiqə, tam doldurulması isə 45 dəqiqə çəkəcək. Samsung batareya tutumunu dəyişdirmədən bu doldurma müddətinin yaxşılaşdırılmasına nail olacaq. S26 Ultra, sələfi kimi 5000 mAh batareyaya sahib olacaq.

Galaxy S26 seriyasının yenilikləri bununla bitməyəcək. Samsung, standart və Plus modellərini dayandıraraq məhsul çeşidində əhəmiyyətli dəyişiklik edəcək. Bunları yeni Pro və Edge modelləri əvəz edəcək.

Bu o deməkdir ki, yeni seriyada Galaxy S26 Ultra, S26 Pro və S26 Edge olacaq. Sızan məlumatlara görə, Galaxy S26 Pro 4300 mAh, Galaxy S26 Edge isə 4200mAh ilə 4400mAh arasında dəyişən batareyalara sahib olacaq.

Yeni seriyada Cənubi Koreya markasının daxili Exynos 2600 prosessoru və Qualcomm-un Snapdragon 8 Elite 2-ni təqdim edəcəyi gözlənilir.