AZ

Rusiyalı hakerlər bu ölkələrə qarşı kütləvi hücuma keçdi – BEYNƏLXALQ ARAŞDIRMA BAŞLADILDI

13.01.2020 14:00

Yeni ilin ilk günlərindən etibarən rusiyalı hakerlər kütləvi şəkildə Afrika ölkələrinin banklarına hücum edirlər.

 

TED.az xəbər verir ki, bu haqda “Kasbersky Lab” şirkətinin mütəxəssisləri məlumat yayıb.

 

Kibertəhlükəsizlik şirkətinin məlumatına görə, hücumlar Rusiyanın “Silence” haker qruplaşması tərəfindən edilib.

 

“2020-ci ilin ilk günlərindən etibarən “Kaspersky Lab” hər gün yüzlərlə, bəzən isə minlərlə Afrika banklarının infrastrukturuna qarşı olan kiberhücumların qarşısını alır”,deyə şirkətin mütəxəssisləri qeyd ediblər.

 

Məlumatda o da bildirilib ki, kiberhücumlar ötən ilin  əvvəlində Şərqi Avropa, Asiya-Sakit Okean bölgələrinə və Latın Amerikası ölkələrinə olub. Bu ilin sonunda hücumun istiqaməti dəyişib. 

 

“Kapersky Lab”ın aparıcı antivirus mütəxəssisi Sergey Qolovanovun sözlərinə görə, “Silence” qrupunun  əsas məqsədi banklardan pul oğurlamaqdır. Lakin hücum zamanı çoxlu sayda məxfi məlumatlar da ələ keçirilir.

Dünya bölməsindən digər xəbərlər

Daha çox