2026-cı ildə Azərbaycan şərabçılığı beynəlxalq arenada daha bir mühüm uğura imza atdı. Nüfuzlu Decanter World Wine Awards (DWWA) 2026 müsabiqəsində Chabiant Bayan Shira 2024 şərabı 88 bal toplayaraq bürünc medala layiq görüldü. Bu nəticə Bayan Shira üzüm sortu üçün Decanter müsabiqəsində əldə olunan ilk belə beynəlxalq uğur olmaqla yanaşı, həm Chabiant şərabçılıq müəssisəsi, həm də bütövlükdə Azərbaycan şərabçılıq sektoru üçün əlamətdar hadisədir.

Bayan Shira Azərbaycanın ən mühüm yerli ağ üzüm sortlarından biri hesab olunur və milli şərabçılıq tarixində xüsusi yer tutur. Uzun illər ərzində bu sort ağ quru və desert şərablarının istehsalında əsas xammal kimi istifadə edilmişdir. Son illərdə isə Azərbaycan şərabçıları onun potensialını beynəlxalq bazarlarda daha fəal şəkildə nümayiş etdirməyə başlayıblar.

Decanter World Wine Awards 2026 müsabiqəsində qazanılan medal bir daha təsdiqləyir ki, Azərbaycanın yerli üzüm sortları dünyanın tanınmış şərabçılıq regionları ilə uğurla rəqabət aparmaq imkanına malikdir. Bu nailiyyət Chabiant üçün xüsusi əhəmiyyət daşıyır, çünki yerli üzüm sortlarının inkişafı və təşviqi müəssisənin əsas strateji istiqamətlərindən biridir.

Yeni mükafat Chabiant şərablarının beynəlxalq müsabiqələrdə əldə etdiyi uğurlu nəticələrin davamıdır. Belə ki, 2025-ci ildə Chabiant Madrasa 2021 və Chabiant Saperavi–Cabernet Sauvignon 2021 şərabları Decanter World Wine Awards müsabiqəsində müvafiq olaraq 90 və 94 bal toplayaraq gümüş medallara layiq görülmüşdü.

“İsmayıllı Şərab-2” ASC üçün bu mükafat yalnız konkret bir şərabın keyfiyyətinin təsdiqi deyil, eyni zamanda milli şərabçılıq irsinin qorunması və inkişaf etdirilməsi istiqamətində həyata keçirilən uzunmüddətli strategiyanın uğurunun göstəricisidir. Yerli sortlarla aparılan məqsədyönlü iş regionun unikal kimliyinin qorunmasına, eyni zamanda Azərbaycan şərablarının beynəlxalq bazarlardakı mövqeyinin möhkəmlənməsinə xidmət edir.

Decanter World Wine Awards 2026 müsabiqəsində əldə olunan bu uğur Azərbaycan şərabçılığının davamlı inkişaf etdiyini və yerli üzüm sortlarının dünyanın ən nüfuzlu beynəlxalq platformalarında ölkəmizi layiqincə təmsil edə bildiyini bir daha nümayiş etdirir. Chabiant Bayan Shira brendinin uğuru Azərbaycan ağ şərablarının tarixində yeni səhifə açır və milli şərab brendinin xarici bazarlarda tanıdılması üçün əlavə imkanlar yaradır.