10 il əvvələ nəzər salsaq görərik ki, autizim  hər kəs üçün yad bir ifadə idi. Hal-hazırda isə əksər valideyinlərin qorxduğu nüanslardan biridir.

Bəs texnolgiyanın autizimə hansı təsiri var? Və ya autizmin yaranmasında texnologiya hər hansı bir rol oynayırmı?

Bu məsələ ilə bağlı psixoloq Aida Nağıyeva TED.az saytına müsahibəsində aydınlıq gətirib. O bildirib ki: “Autizmin yaranmasında texnologiyanın təsiri sırf səbəb olaraq göstərilmir. Lakin texnologiyanın, əsasən də televizyanın uşaq psixologiyasına təsiri böyükdür. Bəzi autistik simptomlardan əziyyət çəkən uşaqlarda telefon, televizor kontaktının aşırı olması, bunların da uşaqların sağlamlıq durumuna mənfi təsir edir. Bu sahədə bir çox xarici ölkələrdə elmi araşdırmalar aparılıb. Həmçinin, ölkəmizdə də məsələ ilə bağlı araşdırmalar aparılıb və bu nəticələr  aprelin 27-də “Texnologiyadan autizmə uzanan yol” adlı konfransda müzakirə olunub. Belə ki, bu müşahidələrə görə bizim ölkədə də  statistik nəticəyə əsasən uşaqların 72%-nin gün ərzində 2-3 saat da olsa televizya qarşısında olduğu müəyyən edilib”.

Müsahib qeyd edib ki, bu kimi hallar uşaqlarda autistik elementlərin yaranmasına gətirib çıxarır: “Xüsusən də 2 yaşdan kiçik uşaqlara təsiri daha çoxdur. Buna görə də valideyinlər nəzərə almalıdır ki, 2 yaşa qədər olan uşaqların otağında televizor olmamalıdır və bu yaşda uşaqlar texnologiyadan mümkün qədər uzaq tutulmalıdır”.

Sona Nərimanqızı