"Yoluxma göstəricilərindən asılı olaraq sonrakı mərhələdə lokal karantin məhdudiyyətlərinin tətbiqi ilə bağlı qərar qəbul edilə bilər".

TED.az xəbər verir ki, bu sözləri Nazirlər Kabineti yanında Operativ Qərargahın mətbuat konfransında TƏBİB-in İdarə Heyətinin sədri Ramin Bayramlı deyib.

O bildirib ki, bu qaydaların tətbiqinə bəzi rayonlarında yoluxma statistikaları arzuolunan səviyyədə getməsə, başlana bilər: "Ola bilsin, Bakı, Sumqayıt, Gəncə və Lənkəranda sərt karantin rejimi tətbiq olunsun. Buna görə də əhalini qaydalara riayət etməyə çağırırıq. Qurumlar qaydaların sərtləşdirilməsini arzulamır, amma vəziyyət bunu tələb edə bilər".

Lamiyə SÜLEYMANLI