AZ

Windows 10-un yenilənməsində bu dəyişikliklər var

bd4f6febf06b2a322129e3a74cf42c0f.jpg
30.05.2020 11:52

Windows 10 üçün bu ilin ən böyük yenilənməsi təqdim edilib. 2004 nömrəli may ayı yenilənməsi artıq hamı üçün aktivdir və özündə bir sıra dəyişiklikliyi birləşdirir. 

 

TED.az xəbər verir ki, onlar arasında sürətləndirilmiş axtarış alqoritmi, Tas Manager-də videokart temperatorunun monitorinqi və yenilənmiş ştat tətbiqləri var. Daha əvvəl Windows 10 May 2020 Update yalnız əməliyyat sisteminin beta test iştirakçıları üçün aktiv idi. İndi isə sözügedən yenilənməni bütün istifadəçilər yükləyə blərlər.

 

Bunun üçün  Windows-un yenilənmə mərkəzinə daxil olub ordan sözügedən yenilənmə paketinin mövcudluğunu yoxlamalıdırlar. Əvvəlkindən fərqli olaraq 2004 nömrəli yenilənmə paketinə tam Linux nüvəsi əlavə edilib. Linux nüvəsi Linux tətbiqlərin işə salınması zamanı qrafik prosessoru da işə salır. 

 

Cortana səsli köməkçisinin interfeysində də dəyişikliklər edilib. Bu səsli köməkçi əməliyyat sistemi daxilində ayrıca pəncərə əldə edib və istifadəçi həmin pəncərəni əsas ekranda hərəkət etdirə bilər. Həmçinin səsli köməkçi ilə dialoq pəncərəsinin dizaynı da yenilənib. Digər yeniliklər arasında "File Explorer", "Notepad", "Calculator" və "Task Manager" kimi ştat tətbiqlərinin funksional yenilənmələrini qeyd etmək olar. Bununla yanaşı. yenilənmiş Windows 10-da DirectX 12 Ultimate dəstəyi reallaşdırılıb, DirectX Raytracing 1.1 texnologiyası təkmilləşdirilib və DirectX Mesh Shader ilə WDDM 2.7 (Windows Display Driver Model) texnologiyasının dəstəyi reallaşdırılıb.

Texnologiya bölməsindən digər xəbərlər

Daha çox