Sosial media şəbəkəsi Feysbuk uzun zamandır, gözlənilən xüsusiyyəti aktivləşdirməyə hazırlaşır. 

TED.az Türkiyə mətbuatına istinadən xəbər verir ki, daha əvvəl WhatsApp, Messenger və Instagram-a əlavə edilən "dark mode", yəni "qaranlıq rejim" Feysbukda da tətbiq olunmağa başlayacaq. 

Artıq iOS və Android versiyalarında istifadəyə hazır “dark mode” görüntüləri ortaya çıxıb. Çok yaxın günlərdə hər iki əməliyyat sistem üçün əlçatan olacaq rejim telefonun "Sazlamalar" bölməsindən aktiv və ya deaktiv edilə bilir. 

Bundan başqa, Feysbukun Android tətbiqinə koronavirus ilə bağlı yeni detallar əlavə olunacaq. 

Əlavə olaraq qeyd edək ki, platformada keçirdiyiniz zamanı idarə etməyə yarayacaq "Time On Facebook" funksiyasının təqdim edilməsinə sayılı günlər qalıb.