“Pandemiya ilə bağlı olaraq avtomobil ixracı hələ ki dayandırılıb. Mövcud vəziyyətə görə, yeni modellər ilin sonunda gətirilə bilər”.

Bu barədə TED.az-a Audi Bakı Mərkəzi-nin nümayəndəsi açıqlama verib.

Mərkəzdən bildirilib ki, koronavirus pandemiyası bütün sahələrdə olduğu kimi avtomobil bazarına da təsir edib: “Avtomobil satışları azalıb. Vətəndaşlarımız hələ ki, avtomobil alma əhval-ruhiyyəsində deyillər. Hazırda Audi Bakı Mərkəzində yeni modellərdən yalnız Audi A6 və Audi Q7 avtomobilləri mövcuddur. Onlara da yeni kampaniya şamil olunur. Yeni kampaniya müddətində əldə olunan istənilən Audi A6 və Q7 modelinə 5 il zəmanətin verilməsi ilə yanaşı, 1 illik pulsuz servis xidməti hədiyyə olunur”.

Fatimə ZÜLFİQAR