AZ

Bu şəxslərə SMS icazə üçün ikinci şans verilir

107741507_564985027531988_4087030726525915647_n
08.07.2020 17:55

"Daha rahat olduğu üçün çoxları zəng edərək ASAN Xidmət mərkəzlərində növbə götürmək yolunu seçir. Hər kəsin kütləvi şəkildə çağrı mərkəzinə müraciəti isə 1 milyon zəngin cavablanması deməkdir".


TED.az xəbər verir ki, bu sözləri "Rəqəmsal jurnalistikaya doğru" proqramının bu gün keçirilən mükafatlandırma mərasimində Vətəndaşlara Xidmət və Sosial İnnovasiyalar üzrə Dövlət Agentliyinin rəhbəri Ülvi Mehdiyev deyib. 


O vurğulayıb ki, SMS icazə ilə bağlı çətinlik yaşayanlar 9108 çağrı mərkəzinə zəng edə bilərlər: "Gün ərzində ikinci icazəyə ehtiyac yarandıqda belə, çağrı mərkəzinə zəng edərək zərurəti əsaslandıranlara ikinci dəfə şans verilir. Çağrı mərkəzi bütün zəngləri cavablaya bilmək üçün maksimum çalışır. Gün ərzində 9108-ə zəng edib, qoşula bilməyənlərlə bağlı problemlərlə isə rastlaşmamışıq. İstənilən halda SMS-dən istifadə bacarığı olmayanlar çağrı mərkəzinə zəng edə bilərlər. Əməkdaşlarımız onlara kömək edəcəklər. Bu, müvəqqəti haldır və bir-birimizə dəstək olmalıyıq".


Ü. Mehdiyev bildirib ki, ASAN Xidmət mərkəzlərində fiziki təması minimuma endirmək üçün xidmətlərarası interval tətbiq edilib: "Növbə almaq üçün isə 3 imkan var: çağrı mərkəzi, mobil tətbiq və sayt.  Amma asan olduğu üçün çoxları zəng edərək növbə götürmək yolunu seçir. Hər kəsin kütləvi şəkildə çağrı mərkəzinə müraciəti isə 1 milyon zəngin cavablanması deməkdir. Buna görə də, yalnız SMS imkanı olmayan və ya texniki problemlə üzləşənlər çağrı mərkəzinə zəng etməlidirlər. Bütün zəngləri operativ cavablamaq üçün çağrı mərkəzinin insan resursları ilə kifayət qədər təmin olmasına çalışacayıq".


Lamiyə SÜLEYMANLI

KORONAVİRUS bölməsindən digər xəbərlər

Daha çox