ABŞ-ın “Novavax” əczaçılıq şirkəti yeni növ koronavirusa qarşı vaksin hazırlamaq üçün ABŞ federal hökumətindən 1,6 milyard dollar alıb.

TED.az Reuters-ə istinadən xəbər verir ki, həmin vəsait vaksinin klinik sınaqlarının başa çatdırılması, kütləvi istehsalı və 2020-ci ilin sonlarına qədər 100 milyon vaksin dozası tədarük etmək üçün ayrılıb.

“Novavax” may ayında koronavirus əleyhinə hazırladığı vaksinin insanlar üzərində ilk klinik sınaqlarına başlayıb. 

Qeyd edək ki, sınaqların ilkin nəticələri iyul ayının sonlarında məlum olacaq.