Android 11-in təqdimat tarixi bəlli olub. Ötən ay beta versiyası istifadəçilərin ixtiyarına verilən əməliyyat sisteminin yeni versiyası milyonlarla şəxs tərəfindən həyəcan və maraqla gözlənilir. 

TED.az Türkiyə mətbuatına istinadən xəbər verir ki, yeni versiyanın təqdimatı sentyabrın 8-i olacaq. 

Android 11 yenilənməsini ilk olaraq Google Pixel modelləri alacaq. 

Bir neçə gün sonra isə digər Android sistemli cihazlarda yenilənmə əlçatan olacaq. 

Qeyd edilən tarixin dəyişəcəyi də istisna olunmur. Çünki koronavirus pandemiyasından dolayı bir çox təqdimat, eləcə də konfrans və sərgilər başqa vaxta keçirilib.