Android 12-də tətbiq olunacaq yeniliklər - SİYAHI
Android 12-də tətbiq olunacaq yeniliklərdən bəziləri açıqlanıb.
TED.az Türkiyə mətbuatına istinadən gözlənilən 5 yeniliyi təqdim edir:
Sürüşdürülən ekran görüntüsü
Hazırda bəzi telefon istehsalçıları öz istifadəçi interfeyslərində bu xüsusiyyətə yer versə də, əslində, Android əməliyyat sistemində belə funksiya yoxdur. Bunun səbib dəqiq bilinməsə də, Google-dan verilən açıqlamaya görə, bu çatışmazlıq aradan qaldırılacaq.
İnkişaf etdirilmiş bulud yedəkləmələri
Google-un Android cihazlarda təqdim etdiyi yedəkləmə sistemi çox da pis sayılmaz. Ancaq şirkətin açıqlamalarında deyilir ki, bu xüsusiyyət hələ çox inkişaf etdiriləcək. Bulud yedəkləmələrinə tətbiq edilən yeniliklərdən biri də müxtəlif cihazlardan alınan yedəklərin nümayiş etdirilməsi və idarəsi olacaq.
Arxa plan tətbiqlərində qısıtlamalar
Uzun zamandır, bir çox şirkət arxa plan tətbiqlərini "batareya ömrünü uzatmaq"dan dolayı aqressiv şəkildə dayandırır. Ancaq ötən il Google-dan gələn açıqlamada bu məsələnin üzərində iş getdiyi qeyd olunub.
Android 10 əməliyyat sistemi cihazları sadəcə ekran hərəkətləri ilə idarə etməyi mümkünə çevirmişdi. Ancaq hazırda bu idarə üsulu bəzi problemlərə, yaxud inkişaf etdirilməsi lazım gələn nüanslara sahibdir. Google-dan bildirilib ki, Android 12-də bu xüsusiyyətdə ciddi dəyişikliklər gözlənilir.
Üçüncü tərəf işəsalıcılarda inkişaf
Üçüncü tərəf işəsalıcılar telefonumuzu xüsusiləşdirməyin ən yaxşı yollarından biridir. Ancaq Android 10-da Üçüncü tərəf işəsalıcı istifadə etmək bəzi hallarda olduqca pis seçim ola bilər. Google bu məsələni də diqqət altında saxlayır. Şirkətdən verilən açıqlamada sırf bu problem üçün ayrıca tətbiq proqramlaşdırma interfeysi hazırlandığı qeyd olunur.
Qeyd edək ki, bu yenilikləri bir qədər gözləmək lazım gələcək. Çünki sözügedən yeniliklərə zəmin hazırlayan Android 11 yalnız beta versiyada mövcuddur. Ancaq versiyanın yaxın günlərdə bütün istifadəçilər üçün əlçatan olacağı deyilir.