AZ

Təhsil Jurnalistləri Birliyinin ilk virtual görüşü keçirildi 

image_750x_5f09cc3647795
11.07.2020 17:39

Bu gün Azərbaycan Təhsil Jurnalistləri Birliyinin (TJB) təşkilatçılığı ilə “Pandemiya dövründə təhsil” mövzusunda onlayn konfrans keçirilib.


TED.az xəbər verir ki, adıçəkilən konfrans həm də yeni yaradılan Azərbaycan Təhsil Jurnalistləri Birliyinin üzvlərinin ictimaiyyətlə ilk görüşü kimi də yadda qalıb.


Onlayn konfransa Təhsil Nazirliyi yanında İctimai Şuranın sədri, professor Şahlar Əsgərov, katibi İlqar Oruclu, deputat Etibar Əliyev və nazirliyin İctimaiyyətlə Əlaqələr sektorunun müdiri Cəsarət Valehov da qatılıb.


TJB üzvü olan jurnalistlərin bir qismi onlayn konfransa qatılaraq qonaqlarla birlikdə pandemiya dövrünün təhsil durumunu müzakirə ediblər.


Ş.Əsgərov pandemiyanın dünya təhsilinə olan təsirlərinə toxunmaqla yanaşı, təhsilin dayanıqlığına yönəlik atılan addımları vurğulayıb, bu əsnada dünya təcrübəsindən misallar gətirib.


E.Əliyev də mövcud problemlərə baxmayaraq, Azərbaycan təhsilinin pandemiya sınağından layiqincə çıxdığını xatırladıb, dövlət tərəfindən bu istiqamətdə atılan addımları, təmsilçisi olduğu Milli Məclisdə aparılan müzakirə və verilən qərarları qeyd edib.


O, yeni çapdan çıxan “Yeni təhsil, tərbiyə və elm antologiyası” kitabından müzakirədə iştirk edən jurnalistlərə hədiyyə edəcəyini bildirib.

 
C.Valehov pandemiya dövründəki təhsili dəyərləndirməklə bərabər, sosial medianın bu istiqamətdəki dəstəyindən də söz açıb.


İ.Oruclu pandemiya dövrünün dünya təhsili ilə Azərbaycan tədris vəziyyətini faktlarla müqayisə edib və ölkə təhsilinin bu sınaqdan üzüağ çıxdığını xatırladıb.


Daha sonra müzakirəyə qoşulan və ayrı-ayrı media qurumlarını təmsil edin TJB üzvlərinin sualları qonaqlar tərəfindən cavablandırılıb.


TJB-nin təsisçisi Elşad Eyvazlı müzakirə iştirakçılarına təşəkkürünü bildirib və bu tiplu konfransların davamlı olacağını vurğulayıb.

TED + bölməsindən digər xəbərlər

Daha çox