Uzun zamandır Samsung-un Note seriyasında olan tac Huawei-yə keçəcək kimi görünür. Belə ki, Çin şirkəti əzəli rəqibinin sözügedən seriyasına alternativ təqdim etməyə hazırlaşır. 

TED.az Türkiyə mətbuatına istinadən xəbər verir ki, dizaynı ilə önə çıxacağı gözlənilən Huawei P50 Pro çərçivəsiz, qatlanan ekranı ilə telefon həvəskarlarının könlündə taxt quracaq. 

Ekranın sol üst küncündə dəliklər olacaq. İkili ön kamera dizaynı da gözləntilər arasındadır. Ancaq sızdırılan şəkildə göründüyü qədərilə Samsung S10 Pro-da ortaya çıxan kərtmələrdə gizlənə bilən kamera modeli olmayacaq. 

Smartfonun arxa tərəfində dörd kamera yer alacaq. Bir fləş və köməkçi sensorun da olacağı deyilir. 

Hələlik Samsung üçün böyük təhlükə kimi görünməsə də, 2021-ci ilin martında bazara çıxarılması gözlənilən Huawei P50 Pro-nun 18 aylıq araşdırma və inkişaf prosesindən sonra, nəhayət, bəzi detalları sızdırılıb. Bu da Samsung-un illərdir Note seriyası ilə sektorun yeganə hökmdarı kimi əks həmlə edəcəyinə işarə vurur.