Koronavirus pandemiyasından dolayı əksər şirkətlərin gəlirləri azalsa da, bəziləri öz paylarını artırmağı bacardılar. 

TED.az dövriyyələrini artıran şirkətlərin siyahısını təqdim edir:

Bu siyahıda ön sıralarda ABŞ-ın texnologiya nəhəngi olan Apple şirkəti yer alır. Pandemiyanın ən ağır dövründə mağazalarını bağlamalı olan Apple gəlirlərini keçən ilin eyni dövrü ilə müqayisədə 11 faiz artırdı və xalis mənfəətini 12 faiz artıraraq 11.3 milyard dollara çatdırıb.

Qazancını artıran şirkətlərdən biri də Feysbukdur. Feysbuk eyni dövrdə qazancını 11 faiz artıraraq 18,7 milyard dollara çatdırıb. Şirkətin xalis mənfəəti 98 faiz artaraq 5,2 milyard dollar olub. 

Gəlirini ən çox artıran şirkət isə Amazon-dur. Şirkətin gəliri 40 faiz artaraq 88,9 milyard dollara, xalis mənfəəti isə 5,2 milyard dollara yüksəlib.