ABŞ prezidenti Donald Tramp TikTok tətbiqinin ABŞ-dakı biznesini satmadığı təqdirdə "kommersiya fəaliyyətini dayandıracağını" bildirib.

TED.az xəbər verir ki, o, tətbiq sahiblərinə sentyabrın 15-dək vaxt verib.

Tramp, həmçinin Microsoft şirkətinin satın alınma ilə bağlı danışıqlarını dəstəkləyib.

"Mən 15 sentyabr tarixini müəyyən etdim, o andan etibarən TikTok-un Amerika Birləşmiş Ştatlarında heç bir biznesi olmayacaq. Microsoft və ya başqa şirkət onları satın ala bilmədikdə və əməliyyat barədə razılığa gələ bilmədikdə, sentyabrın 15-də tətbiqin fəaliyyəti dayandırılacaq", — deyə Tramp bildirib.

Qeyd edək ki, ABŞ, sözügedən tətbiqin istifadəçilərin şəxsi məlumatlarını topladığını iddia edir.