Bloq və şəxsi yayım platforması olan WordPress-dəki təhlükəsizlik səhvi minlərlə veb-saytı risklə üz-üzə qoyub.

TED.az xəbər verir ki, problemi müşahidə edən kibertəhlükəsizlik mütəxəssisləri çıxış yolu kimi WordPress yenilənmələrinin davamlı və avtomatik olaraq həyata keçirilməsini təklif ediblər. İlkin məlumata görə, problem 70 mindən çox veb-saytın istifadə etdiyi wpDiscuz əlavəsindəki təhlükəsizlik səhvindən qaynaqlanıb. Bu isə veb-saytları kiber cinayətkarlar üçün əlverişli hala gətirib. Bildirilib ki, kiberhücumlar nəticəsində bu saytlara asanlıqla zərərli fayllar yükləmək mümkündür. 

Qeyd edək ki, WpDiscuz rəy sistemindən daha çox geri bildiriş göndərilməsini təmin etdiyi üçün əksər veb-saytların seçimi olur.