İstifadəçilərin foto və videolarının saxlanıldığı Yaponiyanın “Canon” şirkətinin bulud depolama xidməti hakerlər tərəfindən sonradan pul tələb etmək məqsədilə sındırılıb.

TED.az xəbər verir ki, bu barədə “Bleeping Computer” məlumat yayıb.

İddiaya görə, avqustun 5-də “Maze” haker qrupunun hücumu nəticəsində 10 terabayt məlumat, o cümlədən istifadəçilərin şəxsi məlumatları oğurlanıb.

İddia edilən haker hücumunu şərh edən “Canon”un rəsmisi “Forbes” jurnalına açıqlamasında hazırda vəziyyətin araşdırıldığını söyləyib.