Bildiyimiz kimi, sərt karantin rejiminin yumuşaldılması ilə bir sıra ciddi məsələlərin də həlli müzakirə edilir. Nazirlər Kabineti Yanında Operativ Qərargahın son brifinqində Prezidentin köməkçisi Şahmar Mövsümov bu yumuşalmaların tətbiqi ilə yoluxma sayı artmazsa, avqustun 24-dən rayonlara gediş-gəlişin bərpa olunacağını qeyd etdi. Bu isə ictimaiyyət arasında Bakı Metropoliteninin nə vaxt açılacağı müzakirələrini yaratdı.

Bakı Metropoliteninin mətbuat katibi Bəxtiyar Məmmədov məsələ ilə bağlı TED.az-ın sorğusuna cavab olaraq bildirib ki, hazırda bu haqda müzakirələr getmir: "Nazirlər Kabineti tərəfindən bizə bu haqda heç bir məlumat verilməyib. Yolların ayın 24-dən açılacağı da tam bəlli deyil. Amma məsələnin əsasən metro ilə bağlı hissəsinə toxunaraq bizdə belə bir məlumatın hazırda olmadığını demək istəyirəm".

Nuranə DAXİLQIZI