Elektron ticarətə qoşulmaq istəyən şirkətlər üçün sayt yaradılacaq — AÇIQLAMA
“E-commerce xidmətinə qoşulmaq istəyən şirkət üçün saytın olması mütləqdir. Əgər hər hansı bir müştəri şirkətin internet səhifəsi yoxdursa, Kapital Bank-la tərəfdaşlığı olan şirkət onlara sayt yaradacaq”.
Bu barədə TED.az-a Kapital Bankın mətbuat xidmətindən bildiriblər.
Nəzərinizə çatdıraq ki, Kapital Bank “Visa International” şirkəti ilə birgə yeni layihə həyata keçirir.
Layihənin şərtlərinə əsasən, Visa premium kartları üzrə nağdsız ödənişlər edən müştərilərinə güzəştlər təklif edən tərəfdaş sahibkarlar əlavə imkanlar əldə edəcəklər. Belə ki, Visa Classic, Gold, Platinum, Signature və Infinite kart sahiblərinə endirimlər təqdim edən tərəfdaşlar Kapital Bank-ın güzəştli komissiyalarından pulsuz olaraq Elektron ticarət (E-Commerce) və Ekvayrinq (POS-terminal) xidmətinə qoşula bilərlər.
Fatimə ZÜLFİQAR