Cənubi Koreya müxtəlif vəzifələri yerinə yetirməyə qadir olan iddialı bir dron hazırlamağa başlayacaq. Bu dronların bəziləri kiçik silahlarla təchiz oluna bilər. Yaxın 10 il ərzində Cənubi Koreya müxtəlif hərbi dronların yaradılması üçün 2,3 milyard dollar sərmayə qoyacaq. 

TED.az xəbər verir ki, ölkə rəsmilərinin sözlərinə görə, kəşfiyyatdan döyüşə qədər müxtəlif tapşırıqları yerinə yetirmək üçün bir neçə növ pilotsuz təyyarələrin yaradılması planlaşdırılır.

Pilotsuz təyyarələrinin bəziləri nəzəri olaraq döyüş sahəsindəki əsgərləri qismən əvəz etmək üçün hücum silahları, pulemyotlar və qumbaraatanlarla silahlana bilər. 

Qeyd olunan planların həyata keçirilməsini mümkün edəcək texnologiyalar 2022-ci ilə qədər ortaya çıxacaq. General Atomics insansız döyüşçü konsepsiyasını ortaya qoyub. Təqdim olunan məlumatlara görə, yeni pilotsuz uçuş aparatı hava döyüşü də daxil olmaqla geniş bir sıra tapşırıqları yerinə yetirməlidir.

Cənubi Koreya bu sahəni əvvəllər də fəal şəkildə inkişaf etdirmişdir. Belə ki, ötən il, iki nəfərlik bir rotor vasitəsi üzərində qurulan Night Intruder 600 VT insansız helikopter ilk uçuşunu etmişdi.

Testlərin bir hissəsi olaraq prototip havada qalmağı və üfüqi uçuş həyata keçirə biləcəyini göstərdi. Gələcəkdə Cənubi Koreyanın Müdafiə Nazirliyi, Night Intruder 600 VT-nı öz maraqları naminə istifadə etmək istəyir. Bunun üçün müxtəlif yükləri, xüsusən də elektro-optik kompleks və lazer məsafəsi ölçən cihaz quraşdırmaq mümkündür.