Apple-ın adından istifadə edən şübhəli veb-saytların sayında artım müşahidə edilib.

TED.az xəbər verir ki, kibertəhlükəsizlik mütəxəssisləri 2020-ci ilin ilk 8 ayı ərzində Apple istifadəçilərini hədəf alan kiberhücumların sayının artdığını təsdiqləyiblər. 

İlkin məlumata görə, Apple ilə əlaqəli olduğunu iddia edən və şirkətin adından istifadə edən yüzdən çox veb-sayt aşkarlanıb. Xüsusilə də sentyabr ayında bu say kəskin artıb. Bu veb-saytların bir qismi istifadəçilərə itmiş telefonlarını tapmağı, digərləri isə unudulmuş Apple hesabına yenidən daxil olmağı vəd edirlər. 

Mütəxəssislərin xəbərdarlığına görə, bu, tamamilə Apple hesablarının oğurlanmasına yönəlmiş, fərdi məlumatları oğurlamaq məqsədi güdən saytlardır. Xəbərdarlıq mətnində, həmçinin istifadəçilərə əvəzolunmaz xidmət təklif edən linklərə şübhə ilə yanaşmaq tövsiyə olunub. İkifaktorlu kimlik doğrulamasından istifadə də təqdirəlayiq addım hesab edilib.