Ümumdünya Səhiyyə Təşkilatı (ÜST) koronavirusa qarşı Sputnik V vaksininin hazırlanmasına görə Rusiyaya təşəkkürünü bildirir.

TED.az xarici KİV-ə istinadən bunu ÜST-ün Avropa regional bürosunun direktoru Hans Klüge Rusiyanın Səhiyyə naziri Mixail Muraşko ilə görüşü zamanı deyib.

O bildirib ki, ÜST Rusiyanın bu istiqamətdə səylərini yüksək qiymətləndirir.

Qeyd edək ki, Rusiya avqustun 11-də dünyada ilk dəfə olaraq koronavirus vaksinini qeydiyyatdan keçirmişdi. Hazırda həmin vaksinin qeydiyyatdan sonrakı yekun sınaqları başa çatmaq üzrədir.